السلام عليكم ورحمه الله وبركاته
كيف الحال اخواني عساكم بخير ان شاء الله وطيبين
كما عودناكم في عطلتنا نسوي شي حلو وهذا كله يعود على حرص الاعضاء لتقديم كل ما هو جديد
واليوم الصبح الاعضاء قدمو مسرحيه جميله جدا وعاد جى الدور علي في الاخراج
عنوان المسرحيه هو −ـऊ_»ऋँســـوالف الــــدارऋँ_ऊـ−
(((المشهد الاول )))
تفتح الستاره وهناك في الزاويه في الظلام جالس البلوز مخلي يدينه على خده والقمر بكامل طلوعه ويتخيل ايام زمان والايام في الغربه الي مضت وكانه القمر شاشه الزمن من خلالها يتامل ومره يضحك ومره يبتسم ومره يحزن على كل موقف يتذ كره يكون الاكشن باين على وجهه وجاه اخوه الصغير
(سراب إنسان))
سراب إنسان :البلوز علامك اخوي الكبير كذيه جالس بشو تفكر فضفض لي اخوي قول الي بخاطرك يمكن اشيل عنه تشونيه من همومك
البلوز :اخوي سراب ما فيني شي بس تشونيه تذكرت ايام زمان يوم كنت في الغربه كل يو طايح في السينما واشوف البنات بو تصرخ اوين خيفانه من الموقف الرعب الي صار في الفلم واتذكر يوم كنت اذاكر واشرب شاهي واجلس سهران على النت والفار يخطف جنبي يسلم علي وارد عليه السلام وكانه ما شي صاير
سراب :موه موه الفار يسلم عليك لا يكون تعطيه بسكوت ياكل معاك بعد!!
البلوز :هيه اعطيه بسكوت ويجلس يقراء المواضيع معي في المندوس
وقطعت عليهم الحديث الملقوفه(( عاشقت السعوديه )):ودخلت طبعا مع تصفيق الجمهور لها :
عاشقت السعوديه: سرابوووه موه تسوي ما قايله لك تروووح تذاكر
سراب:علامش انتي انا جالس مع اخوي البلوز مسكين حزين يتذكر زمن اول يوم كان عايش مع الفار اوين مفتقدنه ويفكر فيه مع من جالس ومن يسليه ومن ياكله
عاشقت السعوديه:البلوز صح هالكلام :بو تاثرت من الموقف وجلست تواسي البلوز عن فقدان اعز صديق له
البلوز :هيه صح مفتقد هذاك الفار مسكين ما اعرف مع من عايش تو عن يقتلووه مسكين ما يهون علي
عاشقت :سرابوووه رووح ذاكر لا اخبر عليك ابوي الحين واخليه يشخطك بالخيزران تو وخليني انا مع البلوز باغتنه في سالفه
سراب :انزين لا تحشريني بروووح::بو انخش ورى الدرج يسمع مويقولو
عاشقت :اقوول البلوز عن العياره الزايده صح انه مشتاق الفار والا شايف لك وحده ومتعلق فيها تراه هالسوالف ما تمر علي
البلوز :تو انتي كيف عرفتي من خبرك
عاشقت :ما يحتاج حد يخبرني تراه باين في عيونك بعد من خبرني موه عبالك سرابووه بمره تقص عليه
البلوز :تراه هذاك صغيرون واخترعت له سالفه الفار عن يرووح يحب له وحده ويقول خطبوها حالي وهو بعده ما طالع من البيضه ويفضحني اذا نازعووه يقوول البلوز يحب ليش ما تخلوني احب كماه
والحين وصلت ((همس))راجعه من الدوام وتعبانه
واول ما شافت سراب منخش ورى الباب يتسمع وتعلقه من ذنينه
همس:موه تسوي هاه ما عيب تتسمع
سراب :سمعي بقولش شي بس اول بطلي قلعتي ذنيني
همس: قوول موه عندك
سراب:اوين البلوز يحب وحده ومتعلق فيها كما علاقه الثياب
همس:ومن هي هذي
سراب :ما اعرف تراه تو بيقول حال عاشقت وانتي عاد قصي عليها وعرفي من تكون
همس :ما عليه هذا اوني اخته الكبيره ما يجي يخبرني يرووح حال الكتاكيت يخبرهم
عاد تراه لا تحلموو اخبركم من الي يحبها البلوز هذا سر
((ميته بقلب ينبض)) تدخل من الباب الخلفي جايه منشفه الثياب :وتصفيق الجمهووور لها كان حار :
نبض القلب :همس تعالي اقولش نعم ما تسيحي لقمه في حلقش غير اول تسمعي سالفتي
همس: انزين بكل شي جوعانه:
نبض:نعم ما تسيحي ولا لقمه:حاسده على اختها :
همس :قولي شو عندش من السوالف
نبض :اليوم جايبه لش خبر طازج اليوم الصبح من صباح الله خير جايه معنا ام عبيد اوين باغيه تخطبني حال ولدها عبيد موه رايش انتي
همس:وانا شو دخلني انتي بتزوجي وا انا
نبض:تراش اختي الكبيره ولازم اخذ شورش
همس :هذيلا الشباب يعرفو بعضهم بعض انا في البيت حالي حالش روحي سالي البلوز عنه هو يعرفه زين ما زين
نبض :انزين يلا انطعري ولا تخلصي الغدى تراني ما متغديه بعدني :نبض تريد تضرب الغدى الثاني بعدها:
والحين حان وصول الدلوعه من بينهم كلهم ((ورده احساس )):ودخلت مع تصفيق الجهووور
ورده احساس توها في الاعداديه وتو راجعه من المدرسه
وطبعا جايه مناك فرحانه واول ما حصلت في وجهها همس جالسه تتغدى
ورده :همس همس :
همس :نعم ويش عندش انتي الثانيه
ورده:الثانيه كيه من هي الاولى
همس :وحد غيرها نبض اوين جاينها خطيب
ورده :بالبركه
همس :مو عندش مقابلتني وجايه تتنططي
ورده : اليوم الابله قالت لي اني طالعه الاولى على الصف وجايبه لي هديه
همس:ما شاء الله ايوه كذيه خليكي شاطره ولك من عندي خمسه ريالات
والا تشوف غير يدين طاشه عن يسارها
طلعت يدين سراب إنسان
سراب: وانا بعد طالع الخامس عطيني هديه
همس :انزين خذ ولا تجيني الا بعد اسبوعين
البلوز مسوي مفاجئه للكل وناوي يخبرهم عنها على العشى
وبنشوف سراب موه يسوي بالريالين
وهمس بعد بنشوف كم شعره بيطلع لها من اخوانها
ونبض يمكن تقبل بالعريس او ترفضه وعاشقت عاد سوالفها مع بنت الجيران سالفه طويله عريضه
وورده عاد بنشوف شو بيستوي معها
هذا كله ان شاء الله بتشوفوه في الجزء الثاني من المسرحيه
اسفين عاد طولنا عليكم بس تراه المسريحه تقوول كذيه
