تشــــــــونيه خربشـــــــــــات عـــلى الطــــــــاير..!

هلا والله بالاخوان الكرام من كثر ما اتابع بصمت عيوني احولت وقامت تدور بنفسها يمين ويسار فقلت لا حول ولا قوه الا بالله
اريح عيوني وارجع من وين ما كنت جالس هني وانا راجع في الطريق جبت معي شويه كلام قلت يوم بنزل الشنطه في التروويح بفت علوومي قبل لا الكل ينشدني عن علوومي

نجي لنقطه البدايه
ياخي الايام تركض كما هالرجال يووم يركض في الرسوم المتحركه على قوله التتونين وكل هذا ينقص من عمرنا لكن وين الي يحسب لليوم حساب كلنا نحسب لبكره ومتى بكره بيجي ونفكر كذا ايام قدام ونحن ما ندري اليوم هذا نكمله او لا
في الحقيقه كل شي تغير وصارت الاشياء ما طبيعيه صرت اتمنى اوقات انه نرجع لزمن الاجداد صح انه ما عشناه ولا حتى جربنا نص الي هم عاشو فيه ولكن بمجرد انك تسمع عنها هذيك الايام تشتاق تكون جزء منها تسمع عن المحبه والاخوه بينهم ايام زمان تسمع عن البساطه والقناعه وتسمع عن الاحترام تسمع عن الادب والاخلاق وينه هذا في زمنا اختفى هذا شي اكيد...
تجي للساعه تحصلها الساعه خمس بعد فتره ظلم الوقت وجى الليل وبعدها الصبح والايام تمشي ولكن الملاحظه حد عمل شي لنفسه طبعا لا الا من رحم الله وانا ما اعمم على الكل بس الاغلبية تحصله تايه في متاهات هالزمن ....
مثل الرحلة في غابه مهجورة والرحاله مجموعه من البشر في الظلام الحالك وفي كل لحظه يختفي واحد منهم ولكن لاجدوى من العبث والبحث في الظلام فيكملون الرحلة رغم انه فيها من المهالك الشي الكثير ولكن لا جدوى من الرجووع للخلف ....
هالمثال لكذا سبب
الاول : مهما كانت الحياه فيها من متاعب وهموم واحزان لكن لا تتوقف عند النقطه ذاتها والا انتهيت ....
والثاني :لا تنتظر غدا ياتي لكي تحقق ما اردت تحقيقه وانما انهي ما استطعت انه تنهيه اليوم قبل الغد

والسموحه على الاطاله ...
ترى شويه خربشات