¨°o.O (ذكـــــــــــــــــريات ايــــــــــــــــــــام اول ) O.o°"

السلام عليكم ورحمه الله وبركاته
اخواني اخواتي الاعضاء

اليوم رجعت شوي لايام الصغر اعيد بعض الذكريات الجميله الشقيه الي صارت معنا...

مره من المرات كنا انا والشله الظهر هذيك الساعه الطير ما يطير ونحن جالسين في الحوش وحد جالس فوق الجدار وحد داخل الحوش والكل مرتبش حد يطبل على قوطي نيدو والي يصفق ما شاء الله فرقه علي بحر ونحن ما ندري وهذا كله جنب غرفه الوالد الله يرحمه والا شوي المرحوم جاي والخيزران في ايده ومن شفنا الوالد الله يرحمه طرنا ركيض
والي لحقته شخطه على الايد والي على الظهر والله عدى هذاك اليوم على خير lol!

¨°o.O (ذكـــــــــــــــــريات ايــــــــــــــــــــام اول ) O.o°" 818585291

يلا فضفضو شويه عن شقواتكم ايام كنتو فيها صغار Embarassed

هههههههه مسوينها فرقه ما شاء الله

ايام زمان سوالف ,,

بصراحه واايد اشياء وذكريات لايام قبل

اتذكر مره من المرات كنا صغار ورايحين البحر

قربنا من الماي وفي طابوق وحصى كبار مندفن لما شفناه قلنا اهنيه الدنيا كنزززز

ههههه تمينا نحفر فيه والي يجي من اليهال نقولهم تعالو ساعدونا اهنيه كنز

وبعده ما وضح شي عاد نحنا نتقاسم انتيه حلج كذا وانا حالي كذا

واذا شي ذهب بنتقاسمه ههه

المهم اذن المغرب وقلنا خلاص اليوم الثاني نجي نكمل

وروحنا وكلن يحلم في الكنز واليوم الثاني لما رحنا ما جحصلنا شي ابدا ما اعرف وين راح

وراح علينا الكنز

ما أحلي ايام الصغر عاد ما شقاوة عاد سالفتي انا واتذكرها لحد الحين
في المدرسه وكنت ما حافظ الدرس طبعا ما انا وحدي انا والشله
طبعا المدرس طردنا من الصف وطرشنا عند المدير وطلب المدير كل واحد
يحضر ولي امره معه اليوم الثاني. والله ولي امري اخوي لانه والدي متوفي
وانا خايف اخبر اخوي وانا طالع من المدرسه وافكر ويا في وجهي صديق اكبر مني
وخبرته بالموضوع قالي ما يهمك انا اتصل بالمدير واخبره اني انا اخوك
والله اليوم الثاني اتصل قال حال المدير ولايهمك بخليه يذاكر دروسه
والمهم مرت الايام . وجات الطامه الكبري ان المدير واخوي تصادفوا وتالقيوا طبعا
المدير عماني ونكشف الموضوع كله.
ورجع اخوي البيت وصاحت الخيزيران في ظهري.

البلوز كتب:: ما أحلي ايام الصغر عاد ما شقاوة عاد سالفتي انا واتذكرها لحد الحين
في المدرسه وكنت ما حافظ الدرس طبعا ما انا وحدي انا والشله
طبعا المدرس طردنا من الصف وطرشنا عند المدير وطلب المدير كل واحد
يحضر ولي امره معه اليوم الثاني. والله ولي امري اخوي لانه والدي متوفي
وانا خايف اخبر اخوي وانا طالع من المدرسه وافكر ويا في وجهي صديق اكبر مني
وخبرته بالموضوع قالي ما يهمك انا اتصل بالمدير واخبره اني انا اخوك
والله اليوم الثاني اتصل قال حال المدير ولايهمك بخليه يذاكر دروسه
والمهم مرت الايام . وجات الطامه الكبري ان المدير واخوي تصادفوا وتالقيوا طبعا
المدير عماني ونكشف الموضوع كله.
ورجع اخوي البيت وصاحت الخيزيران في ظهري.

الله يعينك عيل كانت مملحه الخيزران
يا خي الضرب او بمره على الشويه ضرب
الحين الحمدلله الامور تغيرت

موقف حلو ذكرتني بمواقف وايد انته